Themeluese & CEO, Mirela Sula është me origjinë shqiptare. Ajo u transferua në Londër në 2012 për të ndjekur studimet e doktoraturës në Psikologji dhe themeloi lëvizjen për të fuqizuar gratë globalisht.
Mirela është një faktor i rëndësishëm në botën e sipërmarrjes femërore, në vetëm 3 vjet ajo ka ndërtuar më shumë se 27 klube për fuqizimin e gruas rreth botës. Me një karrierë mes gazetarisë, medias dhe psikologjisë, Mirela është mentor, trajnuese, ftohet në gjithë botën për të ndarë eksperiencën e saj dhe ka një porfolio të eventeve të shumta të organizuara për të vënë në kontakt biznese të ndryshme të drejtuara nga gratë, duke përfshirë këtu edhe Global Woman Summit, i cili sivjet u organizua në Londër. Mirela është gjithashtu edhe orgaizatore e Migrant Woman Conference, shkrimtare e disa librave 'bestsellers' duke përmendur këtu ‘Don’t Let Your Mind Go’ dhe fituese e shumë çmimeve ndërkombëtare.